Lehenik eta behin Floreagako Ikastetxeko Solidaritate Taldeak eskerrak eman nahi dizkizue Gazteak eta Garapena (Jóvenes y Desarrollo) – Salestar Misioak taldearen ekintzetan ematen duzuen laguntza handiarengatik. Urriaren 26an, larunbatean, “Solidaritate Pintxo eta denda” eguna egingo dugu Kontzejupean. Pintxoen eta bigarren eskuko dendako salmentan lortzen den diru guztia Salestarren misioetako umeen aldeko proiektuei bidaliko diegu. Hona hemen zuei, Azkoitiko laguntzaile guztiei, eskatu nahi dizuegun LAGUNTZA:
Zeuek etxean prestatutako pintxo, tortila, bizkotxo, postre eta antzekoak 26an bertan Kontzejupera ekartzea, goizeko 9:30 eta 10:30 artean.
Gainera, Bigarren Eskuko Dendarako gauzak ekar ditzakezue Floreagara urriaren 24ra arte. Beste laguntzarik eman nahi badiguzue ere, ongi etorria izango da. Azkoitiko elkarte edo “soziedade”, harakin, okin eta tabernariei ere egin diegu gure eskaria. Besterik gabe, denoi aurrez eskerrak emanez, adeitasunez, Solidaritate Taldeko kideok.
Kontaktua: Juan Inazio Sudupe 605728881
Utzi erantzuna