Gure heziketa estiloaren ezaugarriak hauek dira:
San Jose de Floreaga Ikastetxe katolikoa da, Salesko San Frantziskoren 
Elkarteak (Salestarrek) zuzendua. Bertan garapen pertsonalaren jarraipena errespetatuz, Jesukristo ezagutu eta maitatzeko aukera eskaintzen da.
Azkoitiko herriaren zerbitzura dago. Eskola herrikoia da, herriaren historian eta bizitzan duen eraginarengatik, sortzen duen hezkuntza giroagatik, eta familia eta gazte behartsuenei lehentasuna ematen dielako.
Eskolaren helburu nagusia ikasle bakoitzaren garapen osoa da, bizitzaren eta kulturaren ikuspegi kristauaren arabera, San Joan Boscoren heziketa sistemari jarraituz.
Helburu nagusi hori lortzeko ikastetxean parte hartzen duten guztien batasuna beharrezkoa da. Horretarako ikastetxe hau Komunitate Hezitzailea da.
Ikastetxe hitzartua edo itunpekoa da: hezkuntza-itunaren bitartez, eta legean jasotzen denez, Haur Hezkuntza, Lehen Hezkuntza eta Derrigorrezko Bigarren Hezkuntzako mailak diru publikoaz mantentzen ditu.
Ikastetxearen antolakuntza eta funtzionamendua Barne Araudi baten bitartez bideratzen dira. Araudi hori Eskola Kontseiluak 1999ko azaroaren 2an onartu zuen.
Denbora osoko eskola da, ikasketak eta lana, arte, aisialdia, kultur, erlijio, gizarte… mailako beste zenbait ekintzekin txandakatzen dituena.
Eskola aske eta irekia da; familia eta Elizaren eskubideak defendatzen ditu eta askatasun oso bateranzko bide berri bati ekiteko prest dauden guztiei harrera egiten die.
EKKS, Erabateko Kalitatezko Kudeaketa Sistema ereduaren arabera antolaturik dago.
Euskarazko hezkuntza eskaintzen dugu. “D” ereduko ikastetxea gara. Hizkuntza Normalkuntza Proiektua garatzen dugu, arlo guztietan euskararen presentzia ziurtatu eta erabilera pausoz pauso indartuz.
2019-2021 ikasturterarte, Eskolako Agenda 21 deitu dioguna, hots ingurumen hezkuntzako plana, Eskolako Agenda 2030 izango da aurrerantzean. Nazioarte mailako egitasmoa da eta denoi eragiten digu, salbuespenik gabe. Eskolako Agenda 2030 egitasmoak, zehazki, ikastetxe jasangarriak lortzea du helburu eta haiek hiri jasangarrietan kokatzea.
Floreaga Ikastetxeak 20 urte daramatza ikastetxe jasangarri izaten, gure hezkuntzako oinarrietako bat izanik, non gure ikasleek ingurugiroak merezi duen errespetua eta babesa ikastea, sentitzea eta bizitzea den gure helburua.
