“Polar Bear International”ek proposaturik, otsailaren 27an hartz polarren nazioarteko eguna ospatzen da klima aldaketak eragindako berotze globalaren ondorioz hartz hauek sufritzen duten arriskuaz konturatu gaitezen..
Hartz polarrak bere ilaje zuriarengatik bereizten dira ( nahiz eta bere larru azala beltza den). Neurriz oso handiak eta Artikoko erregetzat hartzen dira. Esan bezala, Ipar poloan bizi dira eta ondorioz oso tenperatura baxuak jasateko gai dira (-50C neguan). Horretarako, bere azalaren azpian duten koipe geruzaz baliatzen dira. Grasa hau elikaduraren bidez lortzen dute. Bere janaria itsas txakur edo foka, beluga edo mortsa kumeetan oinarritzen da batez ere.
Hartz polarra, itsasoan sentitzen da eroso. Ehundaka kilometro egin ditzake igerian. Erregistraturik dago hartz batek egindako igerialdirik luzeena. 687kilometro, Beaufort itsasoan, Artiko ozeanoan, Ipar Ameriketatik gertu. Uretatik, izotz gainera, janari bila ateratzen da, edota ugaltzeko edo atseden hartzeko.
Baina zoritxarrez, azken urteotan, klima aldaketak dakarren berotze globalaren ondorioz, izotza gero eta azkarrago urtzen da udaberrian eta nekezago sortzen da udazkenean. Izotz sail handiak desagertzen ari dira. Honen ondorioz, egoera larrian dago hartz polarra. Baraualdi luzeak egin behar izaten ditu energia gastu handia suposatzen diola.
Gaur egun 22.000 – 31.000 hartz polar daude munduan gutxi gorabehera. Baina 2050 urterako, %30a jaitsi daiteke bere populazioa ez badugu neurririk hartzen.
https://www.nationalgeographic.es/video/tv/dia-internacional-del-oso-polar
Utzi erantzuna