Adi! Iristear dago martxoko azkenengo larunbata! Eta zer ospatzen da urtero egun horretan? Gure planetaren ordua!!
2007 urtez geroztik egun horretan Lurraren etorkizuna gurea dela kontuan hartuta, ordubetez planeta osoan argiak itzaltzen ditugu, baina aurten zerbait gehiago egitera animatzen gaituzte antolatzaileek. Zer? 60 minutuz gure ama Lurrarentzat ona den zerbait egitera!
Eta zer dela-eta berrikuntza hori? Bada zazpi urte besterik ez ditugulako gure bizilekuaren tenperatura 1,5ºC baino gehiago ez igotzeko eta hamarkada honen amaieran hasieran baino bioaniztasun handiagoa izatea lortzeko. Ondorioz, 2030. urtea dugu gure planetaren egoera hobetzeko jomuga.
Jarrai dezagun bada lanean, bide onetik poliki-poliki aurrera!
Eta gogoratu! Martxoak 25 arratsaldeko 20:30etan itzali argiak ordubetez eta eskaini planetari zuen laguntza. Nola? Hona hemen ideia batzuk:
- Ikasi planetari buruz gauza berriak: ezagutzen ez dena ez delako kontuan hartzen eta ondorioz, errespetatzen.
- Konektatu berriro planetarekin: pasa denbora naturan berau baloratzeko eta babesteko.
- Sendatu bere zauriak: zikindu eskuak eta bota izerdia gure planeta garbi eta berde mantentzeko.
Animatu zure ingurukoak Lurra zaintzera. Gutako bakoitzak egiten dituen gauza txikiek milioka pertsonek egiten dituzten gauza txikiekin batera, aldaketa erraldoia egin dezaketelako!
Maitatu, zaindu, sendatu eta errespetatu dezagun ama Lurra!
Hemen planetaren orduari buruzko informazio gehiago.
Utzi erantzuna