Santa Ageda, Agate Deuna edo Santa Agedako bezpera otsailaren 5aren aurreko egunean Euskal Herrian ospatzen den jaia da. Ohitura da egun honetan edo bezperan herrietan koplak kantatu eta diru edo janari eske ateratzea. Herri askotan makilekin ateratzen da kalera, lurrean joaz erritmoa markatuz.
Gurean Haur Hezkuntzako ikasleak izan dira lehenak ateratzen. Hamaikak aldera soinuaren laguntzaz herrian zehar ibili dira kantari. Udaletxean, Balda plazan, eliz atarian, kalean gora eta behera ibili gara kantari. Hamabiak aldera ikastetxera itzuli eta LH eta DBH ikasle eta irakasleei ere abestu diegu. Handik gure atarira joan gara bertaratu diren guraso eta aiton-amonen aurrean abestera.
Arratsaldean DBH 4ko ikasleak izan dira baserriz baserri ibili direnak kantari. Lagun asko izanik bi taldetan banatu dira. Talde batek Santza Kutz bailaran ibili da; bestea, berriz, Martitten ibili da. Nekatuta, baina oso gustura, giro alaia eta jatorrean. Hauek bukatu dutenean ikastetxeko gurasoak izan dira txanda hartu dietenak. Hauek Azkoitiko kaleetan ibili dira, bertan jaso duten dirua Haitirako izango zela adostu zuten.
Utzi erantzuna