Solidaritate Pintxo ekimenean parte hartzeko aukera bikaina izan genuen larunbatean, maiatzaren 7an, Azkoitiko plazako Kontzejupean, hots, pintxo eta trago ederrak hartu eta, bide batez, behartsuei laguntzeko aukera.
Gazteak eta Garapena taldekoek barra handia prestatu zuten goizean goiz. Gure laguntzaileek etxean egindako pintxoak, opil eta bizkotxoak laster hasi ziren iristen. Txorizo eta txistorra pintxo beroak, bokata txikiak, urdaiazpiko, gilda, arrautza egosia ganbarekin, … mila aukera.
Jende askok eman digu laguntza: harakinek (Iñigo Agirre, Iñaki Etxeza, Bittor, Zumardi, Traki, Otzarreta), okinek (Beheko okindegia, Landakanda),… Elkarte eta tabernek ere ardo eta edariarekin laguntza eman digute: Abiola, Urrategiko elkartea, Arrabaleko txokoa, Txuri Urdin, Plaza Berri, Umore Ona, Ardatz, Beti Poz,… Jose Luis Cuevas, Bar Alejandro, Antonio Sudupe, Itziar Arrandegia …
Honekin batera Bigarren Eskuko denda txiki bat ere jarri zuen Floreagako ikasleen Solidaritate Taldeak: Familiek ekarritako jostailu, liburu, dvd …, eta Beningo artisautza jarri ziren salgai.
Aldi berean, Alai Batzak jolas solidarioak antolatu zituen, plazako garagardo azokako Karpan eta ume ugari aritu zen jolasean …
Hainbat pertsonak ere euren eskupekoa edo diru laguntza eman ziguten edo itsulapikoan sartu zuten. Udalak bere baimena eta baliabideak utzi dizkigu. Javier Artetxek kartelak bere borondatez egin dizkigu.
2.050 euro jaso dira orotara. Diru laguntza hau Ekuadorrera joango da osorik, pairatu berri duten lurrikarak kaltetuei laguntza emateko. Laguntza hau Salestarren bitartez bideratuko, han behartsuenekin lanean ari baitira Salestarrak azken 100 urtean. Orain Azkoitiko semea den Inazio Arrieta “Ixkurre” han ari da misiolari gisa.
Benetan merezi honelako ekintzak antolatzea, batez ere ikusita jendeak duen eskuzabaltasuna eta inplikazioa. Laguntzen jarraitu nahi izanez gero, diru sarrera egin daiteke Kutxabankeko gure kontuan: ES06 – 2095 0010 40 9105593086. Mila esker guztioi.
El sábado 7 de mayo, en los bajos del Ayuntamiento de Azkoitia, Jóvenes y Desarrollo celebró el Pincho Solidario y la Tienda de Segunda Mano, en beneficio de los damnificados en el terremoto de Ecuador.
Muchas familias aportaron pinchos, bizcochos y postres elaborados en sus propias casas; algunos bares y sociedades gastronómicas aportaron vino, sidra, … Varios carniceros y panaderos de la localidad nos ofrecieron gratuitamente sus productos … en un derroche de generosidad.
La tienda de Segunda Mano del grupo de Solidaridad de la ESO de Floreaga vendió juguetes, libros, discos … aportados por las familias y algo de artesanía de Benín.
También hubo personas que ofrecieron su donativo en la hucha …
Alai Batza organizó juegos para niños en la carpa de la Cerveza que está temporalmente ubicada en la Plaza Mayor. Fue una alegre fiesta!!
La ayuda económica recogida ascendió a 2.050 euros, que se enviarán a Salesianos de Ecuador, que trabajan allí con y por los más necesitados en los últimos 100 años. Además, el salesiano azkoitiano Inazio Arrieta está allá como misionero en los últimos años.
A todos, muchas gracias!!!
Utzi erantzuna