Egun polita izan da gaurkoa. San Jose astea dela aprobetxatuz, LH4koak izen bereko egoitzara joan gara. Iritsitakoan urduritasuna izan da nagusi, izan ere, bertako egoiliarrak gu iristeko zain zeuden.
Beatles-en abesti polit batekin eman diogu hasiera, kitarra elektrikoz jota. Ondoren, pianoa jo dute beste egoiliarrek gozatu zezaten. Instrumentuekin amaitzeko, ikaslek guztiek Mikel Laboren ” Txoriak txori” abestia jo dute txirulaz. Txalo zaparrada ederra jaso ondoren, abestien txanda iritsi da. Gure kulturaren parte diren kantak abestu dizkiegu eta hura gozamena egoiliarrena! Gure ekitaldia bukatzeko, dantza polit bat dantzatu dugu. Ostean, beraien esker ona erakutsiz, hamaiketako ederra eskeini digute, eskerrik asko!
Eta amaitzeko, sorpresa galanta! Azkoititik Korrika pasatzen zela eta, egoiliarrekin batera, tipi-tapa, tipi-tapa atera gara belaunaldi desberdinak Euskararen alde! Amaiera ezin hobea izan da! Eskerrik asko San Jose Egoitza eta bertako egoiliarrak!
Utzi erantzuna