Brasileko kostaldean ekosistema bitxi eta liluragarri bat dago, Lençóis Maranhenses! 40 metroko dunak dituen leku berezi bat da, eta bertan urtero, dunen artean milaka eta milaka urmael sortzen dira euri garaien ostean, baina nola liteke hori? Hareak ez al du bada xurgatzen ura?
Egilea: George Steinmetz / National Geographic
Denok dakigu ura botaz gero hondarretara zer gertatzen den, ura desagertu egiten dela! Baina duna hauetan ez da hori gertatzen, zergatik ote? Lurrean, dunen azpian, dagoen harkaitz geruza iragazgaitzarengatik da hori, urak ezin baitu hori zeharkatu. Horregatik, ura gainazalean geratzen da, batez ere euri garaian (abendutik ekainera bitartean) eta hilabete batzuetan euririk ez eginda ere, beti dago putzuren bat jendeari arrantza egiteko edo bainatzeko aukera ematen diona.
Lençóis Maranhenses kostaldeko haize bortitzek eratutako ekosistema berezi bat da. Duna ikaragarriak dituen 70 kilometroko hondartza bat da eta bertan sortzen diren urmaelak hainbat koloretakoak izan daitezke, berdeak, urdinak edo beltzak!
Paradisu hau ikusi nahi?
Egileak: DBH 4ko Biologia-Geologiako ikasleak
Kontsultatutako iturriak:
- Descubre tu mundo. (2015 otsailak 2). Lençóis Maranhenses, Brasil: lagunas, arena blanca, naturaleza y mar. https://labur.eus/gRo42
- National Geographic. (2017 ekainak 12). Lençóis Maranhenses: un mar de dunas en el noreste de Brasil. https://labur.eus/ieBca
- La Nacion. (2002 irailak 6) Maranhao tiende sàbanas de arena https://labur.eus/Xv6XB
Utzi erantzuna