Guk gehienetan zerua urdina ikusten dugu, baina eta ez bada urdina? Bai, bai, zerua gas gardenez osatuta dago, eta ondorioz, zeruak berez ez du inongo kolorerik. Baina orduan, nolatan ikusten dugu zerua urdina?
Gure argia eguzki izpietatik dator eta izatez argi hori zuria da, baina atmosfera zeharkatzean kolore zuria osatzen duten hainbat kolore azaltzen dira, zehazki ostadarreko kolore berberak; izan ere, atmosferako partikulek prisma moduan funtzionatzen dute eta koloreak sakabanatzen dituzte.
Iturria: spaceplace NASAko webgunea
Ondorioz, atmosferak ostadarreko kolore guztietan banatzen badu argi zuria, nolatan ikusten dugu zerua urdina eta ez kolore guztietakoa?
Argia uhin moduan mugitzen da alde batetik bestera eta kolore bakoitzak bere uhin-luzera du. Eguzki izpiak gure planetako atmosferan sartzean atmosferako partikuletan talka egiten dute, batik bat, uhin-luzera motza duten koloreek, hau da, urdin-moreek, hori dela-eta ikusten dugu zerua urdina. Baina ilunabarrean zerua gorria ikusten dugu eta hori zergatik ote? Ikusi bideoa horren erantzuna jakiteko eta ulertzeko!
Egileak: DBH 4ko Biologia-Geologia ikasleak
Kontsultatutako iturriak:
- Hainbat egile. (2021). 100 kontu ondo ezagutzeko zientzia. Ttarttalo argitaletxea,
- NASA ciencia, Space place. Why is the sky blue? https://labur.eus/UVb0p
- Cuarentaytres. Youtube Short. https://labur.eus/Ejft1
Utzi erantzuna