Horixe da guk dugun zalantza, animalia adoragarri horiek nola egiten duten lo.
Iturri: Pixabay.com/ werdepate
Eta zergatik dugu jakin-min hori? Bada izurdeak gu bezala ugaztunak direlako, eta horrek esan nahi duelako haien arnasketa birika bidezkoa dela, eta ez arrainena bezalakoa zakatz bidezkoa. Ondorioz, izurdeek arnasa hartzeko azaleratu eta airea hartu behar dute ia-ia bizkarrean kokatuta dituzten beren espirakuluekin (haien sudur-zuloak). Hau da, gutxi gorabehera 15 minuturo aire bila atera behar dira. Baina, lo daudenean ere azaleratu egiten al dira? Nola, lo badaude?
Iturri: Pixabay.com/ Barni1
Guztiz lo baleude, izurdeak ito egingo lirateke. Horregatik, nolabait arnasketa kontrolatzen jarraitu behar dute, eta gainera, lo egiten dutenean gainazaletik gertu egon behar dute airea erraz hartu ahal izateko.
Hori dela-eta, izurdeek trikimailu paregabe bat dute! Lo daudela garun-hemisferio batek atseden hartzen duen bitartean, besteak arnasketa kontrolatzen du!
Izurdeek gizakien ordu kopuru antzekoa behar dute atseden hartzeko. Guztira egunean 8 ordu inguru egiten dute lo, baina lehenengo hemisferio bati atseden hartzen utziz eta gero besteari. Horrela, garun-hemisferio bakoitzaren loaldiak 4 ordu inguru irauten du. Bitxia, ezta?
Gehiago jakin nahi? Ikusi bideoa!
Egileak: DBH4ko Biologia-Geologiako ikasleak
Kontsultatutako iturriak:
- Rothschuh, U. (2022, abuztuak 31). Cómo duermen los delfines. “Ecología verde” webgunea. https://labur.eus/w98Jh
- Vista al mar (2021, otsailak 11). ¿Cómo duermen los delfines?. https://labur.eus/bACio
- El turdus. ¿Cómo duermen los delfines?. https://labur.eus/WKowT
Utzi erantzuna