Zergatik aldatu dira txakur arrazak urteetan zehar? Ikusi, ikusi irudiak!
Ezkerreko irudian Rottweiler bat ageri da, baina orain dela 100 urteko irudia da! Eta eskuineako irudian berriz, gaur egun arraza hori nolakoa den ikus dezakegu. Aldaketa handia dago ezta?
Iturria: Puro sarcasmo.net
Hemengo hau, aldiz, Bull Terrier bat da. Aldaketa izugarria dago ezta?
Iturria: Puro sarcasmo.net
Eta hau, berriz, Basset Hound bat da. Zergatik aldatu ote dira horrenbeste txakur arrazak azken urteetan?
Iturria: Qore.com
Txakurrak orain dela 30.000 urtetik daude gizakiei laguntzen, zerbaitengatik esaten dugu direla gizakiaren lagunik onenak. Denbora gutxian animalia hauen itxura asko aldatu da, baina guk aldatu al ditugu? Badirudi baietz. Guk gizakiok, asko aldatu ditugu. XIX. mendean Ingalaterrako pertsona aberatsen “hobbie” tako bat txakurren itxuragatik lehiatzea zen. Horregatik sortu zuten “hazkuntza selektibo” metodoa.
Metodo hau, txakur arrazak, nahi den itxura lortzeko, elkarren artean ugaltzean datza. Arraza geneak ez galtzeko, ordea, haien DNA mantentzen saiatzen ziren, horretarako familiako kideen artean gurutzatuz. Denok dakigun bezela, familiako kideen artean ugaltzeak deformazioak eta gaixotasunak ekar ditzake. Horren adibide da Bulldogen kasua. Antza denez, ugaltzeko erabilitako metodo horrengatik ondorio negatiboak eragin dizkieten geneak dituzte gaur egun. Esaterako, sudurra zapalegia dute eta horregatik ezin dute arnasa ondo hartu. Baita, burua horren handia dute, zesarea bidez bakarrik jaio daitezkeela, bestela, ezin dute irten bere amarengandik.
Iturria: Qore.com
Badirudi horren denbora gutxian horrela eboluzionatzeak sekulako kalteak ekarri dizkietela gure “lagunik onenei”. Gu txakurren eboluzioan sartu izan ez bagina, gure txakurrak askoz ere osasuntsuagoak izango ziren eta askoz ere bizi-itxaropen luzeagoa izango zuten hainbat adituen ustetan.
Egileak: DBH 4ko Biologia-Geologiako ikasleak
Kontsultatutako iturriak:
- Puro sarcasmo. 18 razas de perros hace 100 años y cómo son en la actualidad gracias a la crianza selectiva. https://labur.eus/c5nBr
- Meza A. Qore. Cómo han cambiado las razas de perros con el tiempo. https://labur.eus/AD9PB
- Univisión (2016ko martxoak 23). ¿Evolución? Te sorprenderá saber cómo han cambiado estas razas de perros a lo largo del tiempo. https://labur.eus/hMCRK
Utzi erantzuna