Gaur goizean bisita berezia izan dugu 6. mailakook. Pello Añorga izan da gurean. Pello ezaguna dugu 6. mailan bere bi liburu irakurri ditugulako: “Astroak gara” eta “Martzelo itsua”. Horretaz gain “Intxixuak” kondairaren bideoa ikusi eta landu dugu eta bertatik ikasi ipuin bat edota kondaira bat nola kontatu. Egia esan oso saio ederra izan da. Liburuak idazteaz, ipuinak kontatzeaz, sormenaz, artista izateaz… gai askori buruz aritu da gure galderak erantzunez. Eta bukatzeko bi sorpresa eskaini dizkigu. Poltsa handi batetik danbor afrikar bat atera du eta “Astroak gara” liburuan agertzen den abestia kantatu dugu berak perkutsioaz bideratzen gintuen bitartean eta bukatzeko ipuin zoragarri bat kontatu digu. Zer ondo pasa dugun!
Utzi erantzuna