“Musikariak ikastetxeetan” proiektua tarteko, joan den ostiralean DBH 4ko ikasleok Zuriñe Hidalgo abeslari nahiz aurkezle euskaldunaren bisitaz gozatu ahal izan genuen.
Bertan, bereziki, egitasmoa bera ere horretan oinarrituta egonik, musika munduan bizi izan duen esperientziaz hitz egin zigun; ibilbide honen guztiaren lehen pausotik hasita, gaur egunera artekoa kontatuz. Horrek ere, ordea, badu bere alderdi ezkutua eta hura ere azaldu zigun. Hori horrela, sentimenduez eta emozioez ere jardun genuen; maite duzun hura egiteak duen garrantziaz, askatasunaz eta zoriontasunaz, besteak beste.
Zuriñek momentu oro azaldu zuen gure ahotsak entzuteagatiko interesa; honekin eta bere gertutasunarekin batera, berehala bihurtu zen areto hura solasaldirako giro ezin ederragoa.
Azkenik, ikasleon partetik, eskerrak ematea gustatuko litzaiguke, bai berarekin ikasitakoagatik, baita bere denbora eskaintzeagatik ere. ESKERRIK ASKO!
Hitzak: Marina Zubizarreta
Hona ikasleei iritzia galdetuta esaldi bakar batean egin duten laburpena:
Erakutsi du ez daukazula mutila izan beharrik gauza handixek lortu ahal izateko! (A.E)
Alaitasunez beteriko hitzaldia! (M.DZ.)
Zer edo zer nahi baduzu egin egiteko, eta besteek pentsatzen dutenari kasorik ez egiteko. (A.U.)
Zuk nahi duzuna egin dezakezu, besteek zer esango duten kontuan hartu gabe. (E.G.)
Gaurko saioaz asko disfrutatu dut batik bat konfiantza handia transmititu didalako. (Y.D.)
Pazientzia edozein arazo konpontzen dituen giltza da. (M.B.)
Zure buruarengan sinistuz eta lan eginez, zure helburuak lortzeko aukera dago. (J.A.)
Saio bat non ikus daitekeen gure ametsetan sinistearen beharra eta bere ondorioak. (K.S.)
Gustuko duzun hori egitea eta aske izatea dira zoriontasunaren iturri. (M.Z.)
Utzi erantzuna