Salestarrek Beninen kaleko ume behartsuenei laguntza bikaina eskaintzen diete, irtenbide guztiak itxita daudela dirudienean. Jose Luis de la Fuente salestarra Cotonou (Benin) hiriko Mama Margarita aterpearen zuzendaria da. Lan handia egiten ari dira hango neska eta mutilen alde. Egoera larrian daude eta laguntza eskatu digute.

Covid19 pandemia dela eta, Azkoitiko JyD Gazteak eta Garapena taldekideok aurten ezin izan ditugu urteroko ekintzak antolatu Beningo kaleko umeen alde:

– Udazkenero egin ohi genuen zozketa bertan behera gelditu da.

– Solidaritate Pintxoa eta Bigarren Eskuko Solidaritate Denda ere ezin izan dugu egin, beste urtetan ohi bezala, urriko larunbata batez Kontzejupean.

– Ezinezkoa izan da Azkoitiko udalaren “Garapenean bidelagun” ekimena antolatu, non artisautza saltzen genuen, udalaren kanpainarekin bat eginez…

Egia da: Gure egoera xelebrea da, eta Covid19ak ekonomikoki eragin handia izango du gure gizartean. Han, Beninen, ordea, egoera hemengoa baino askoz okerragoa da. Eta gure laguntzaren premia handia dute.

Guztion laguntza eskatzen dugu, pandemia garai honetan ere gure babesa izan dezaten.

Diru laguntzak Floreagara ekar daitezke, esku-dirutan edo metalikoan.

Honako banku kontuak ditugu, transferentzia bat egin nahi bada:

Kutxabank: ES06 2095 0010 40 9105593086

Laborala: ES46 3035 0031 76 0311083017

Saiatuko gara, gainera, kalean egoten egun batzuetan gure pankartarekin.

Eskaera hau ontzat emango duzuelakoan eta zuen laguntza aurrez eskertuz, adeitasun osoz agurtzen zaituztegu.