Egun ederra pasa dugu eguraldiak lagunduta. Lehengo, Ekoetxera joan gara eta bertan bi ekintza egin ditugu: “animaliak eta landareak” eta “energia”-ri buruzkoak. Asko ikasi eta gero Sagu-zatar parkera joan gara hamaiketakoa egin eta jolastera.

Ondoren, Igarako errota joan gara eta a zer zortea! Martxan ikusteko aukera eduki dugu, errekaren uraren indarrari esker, garai batean arto irina lortzeko prozesua ezagutu dugu.

Bazkaltzeko ordua iritsi zaigunez, San Agustin-eko parke estalira joan gara. Bertan bazkaldu eta ederki asko ibili gara denok elkarrekin jolasean.

Eta egun eder honi amaiera ezin hobea emateko, Azpeitiko Tren museora joan gara. Trenen historia ezagutzeaz gain, denboran atzera bidaiatu dugu bagoi zahar batean!

Ikaragarrizko esperientzia!