LH 6koak Hondarribin izan ginen ekainaren 3tik 5era arte.
Eguraldia lagun, goizeko 9etan abiatu ginen Donostiarantz, Aquariumera joateko asmotan. Bertan, gidari batek museoa erakutsi zigun eta oso azalpen interesgarriak eman zizkigun bertako arrainei buruz. Gero, Donostiako Cristina Enea parkera gerturatu ginen bazkaltzera. Bazkalondoan, denbora librea izan genuen jolasteko eta eguraldiaz gozatzeko. Handik autobusez, Hondarribiko Elkano aterpetxerako bidea hartu genuen. Hondarribin, lo egiteko gelak eman zizkiguten. Ondoren, jolastera joan ginen eta 20:30etan afaltzera joan ginen. Gauean, 6Akoek ekitaldi polit bat prestatu zuten hainbat antzerki, dantza eta erakustaldiz osatuta. Gaueko 12etan oheratu ginen, nekatuta.
Hurrengo egunean, gosaldu, motxilak hartu eta hondartzara joan ginen. Eguraldi paregabea zegoen eta bainu bat hartzeko aukera ere izan genuen. Jarraian, aterpetxera joan eta dutxatu egin ginen bazkaldu aurretik. Arratsaldean, herrira jaitsi ginen merienda jatera eta erosketa txiki batzuk egitera. Afaldu ondoren, 6Bko neska-mutilek beraien ekitaldia egin zuten. Hurrengo goizean, maletak egin genituen eta gosaldu ondoren jolasean aritu ginen aterpetxean, euria ari baitzen. Bazkalostean, autobusa hartu eta Azkoitira itzuli ginen. Itzel pasatu dugu!
Utzi erantzuna