Eguraldi bikainarekin, Kultur Jardunaldiei amaiera eman diegu aurtengoan ere. Atzo, maiatzaren 30ean, hirugarren urtez jarraian, kantuan atera ginen Floregakook.
Gitarraren laguntzaz lehengo eta oraingo abestiak abestuz ibili ginen Kale Nagusian: Xalbadorren heriotza, Mendian Gora, Agur Xuberoa, Zenbat gera, Maite Zaitut, Euskararen Txantxangorria… Trikitilariek ere ibilbidea alaitu ziguten eta zer esanik ez irrintziek!
Arratsalde ederra igaro genuen, gozatuz eta transmisioan geure hondar aletxoa utziz.
Mila esker, lehendabizi parte hartu zenuten guztioi eta bigarrenik antolaketan lagundu diguzuen guztioi.
FLOREAGA EUSKARAZ, EUSKARAREKIN eta
EUSKARAREN ALDE!
Hitzak: Eguzkilore
Utzi erantzuna