EUSKARAZ ABESTU, EUSKARAZ GOZATU,
EUSKARAZ BIZI !!!
Aste honetan LH eta HHkoak zorteko dira hainbeste desiratzen egon diren egunak iritsi baitira: ikasbidaien egunak!
Honekin lotuta, ostiralean, maiatzaren 27an, Eguzkilore taldekook gelaz gela joan ginen ikasleei aurkezpentxo bat egitera. Bidaiarako Euskaraokeko abestiak pendrive batean prestatu genizkiela adierazi nahi genien. Horrela, bidaian zehar, euskal musikaz gozatzeko aukera izango dute.
Gure aurkezpenaren benetako helburua, ordea, honako hau gogoraraztea zen: BIZI EUSKARAZ!!! Azken finean, Euskarak behar gaitu eta euskaraz hitz egitea ezinbestekoa da bere iraupenerako, baina baita EUSKARAZ BIZITZEA ere: EUSKARAZ PENTSATZEA, EUSKARAZ AMESTEA, EUSKARAZ JOLASTEA, EUSKARAZ GOZATZEA, EUSKARAZ ABESTEA …
Gurekin batera, dagoeneko ezaguna izango duzuen laguntxo bat etorri zen aurkezpenetara: txantxangorritxoa. Hantxe gelditu zen geletako kortxoetan, poz- pozik, txiokatuz:
“EUSKARAZ ABESTU, EUSKARAZ GOZATU, EUSKARAZ BIZI !!!”
Floreaga euskaraz, euskararekin eta euskararen alde.
Hitzak: Eguzkilore ( Floreagako Hizkuntza Normalkuntza Batzordea)
Utzi erantzuna