GURE PROBINTZIALAREN BISITA
Salestarren Probintziala, On Juan Carlos Pérez, Floreagan izan dugu bisita kanonikoa egiten 2016ko otsailaren 9 eta 10ean. 2014ko urrian egin zuen gurera lehenbiziko bisita.
Salestar komunitatea bisitatzeaz gain, aukera izan du haibat talde eta pertsonekin biltzeko: Alai Batzako monitoreak, IGE-AMPA batzordeko kideak, Pastoral taldea … Gainera, Hausterre eguneko elizkizunetan parte hartu eta DBH eta LHko ikasleei hitz egin zien. Garizumarako aholku batzuk eman zizkien gaztetxoei: alai bizitzea (kontzientzia garbi izateak dakarren alaitasunaz), otoitza indartzea eta igandeko mezetan parte hartzea, eta beste aldeko laguntza ekintza baten parte hartzea … Egitarau bikaina.
Floreagako klaustroari eskerrak eman zizkion, gazteen alde egiten duen lan bikainarengatik. Gogorarazi zigun salestarrak eta lankide laikoak elkarrekin bat eginda gaudela, gazteen aldeko misio batean. Horretarako arrazoi sako ugari dago: arrazoi karismatikoak eta elizakoak. Floreagan heziketa lan bikaina egiten da, eta hori ez berez edo suertez gertatzen: jende askoren inplikazioa eta lana behar dira. Eta horiek eskertu zituen Juan Carlosek.
Hitzak: Juan Inazio Sudupe
Utzi erantzuna