Urriaren 30ean DBH 3ko ikasleak Bilbon izan dira Arte Ederren Museoa bisitatuz.
Goizean goiz eguraldi oso onaren laguntzaz Bilbo aldera abiatu gara. Ikusi beharreko guztia bisitatu ahal izateko, iritsi bezain laster bi taldetan banatu gara. Talde bat Arte Ederren museora joan garen bitartean besteak Alhondiga eta Guggenheimera joan dira, eta gero alderantziz.
Arte Ederren museoaren barruan “Hormako mezuak” erakusketa aztertu dugu gida baten laguntzaz. Bertan 1886tik 1975era argitaratutako kartel ugari zeuden ikusgai. Azaldu digutenez, kartelgintza modernoaren jatorria XIX. mendearen bigarren erdialdean dago. Garai hartan, aldaketa ekonomiko, politiko eta sozial handiak gertatu ziren, eta horrek merkataritza arloko ordena berria ekarri zuen, eta, gainera, markak ugaritu egin ziren eta kontsumo-ohitura berriak agertu ziren. Testuinguru horretan, mende oso batez, kartelgintzak erantzuna eman zien gertakari edo ideia politikoak zabaltzeko beharrizanei, bai eta zenbait produktu edo gune turistiko sustatzeko beharrizanei ere.
Utzi erantzuna