DBH3 MURILLON
Martxoaren 26 eta 27an DBH3ko Floreagako neska eta mutilak Murillo de Gallegon izan dira (Zaragozako probintzian) ikas bidaian.
Lehenbiziko goizean Loarreko gaztelua bisitatu zuten. Toki ikusgarria eta historiaz beterikoa. Azalpen bikaina jaso zuten, gaztelura sartu aurretik bideoz, eta gazteluan bertan.
Jarrain, Murillora iritsi eta arratsaldeko ur-kirol ekintzarako prestatu ziren. DBH3Akoek hidrospeed egiten zuten eta 3Bkoek rafting. Raftingean txalupa pneumatiko batean egin zuten 8 kilometro inguruko jaitsiera Gallego ibaian behera, Rigloseko Malloei itzulia emanez. Hidrospeedan body-boarden antzeko plantxa batzuen laguntzaz, ibilbide laburragoa baino zirraragarriagoa egin zuten. Ostiral goizean ekintzen aldaketa edo txandatzea egingo zuten.
Dutxatu ondoren, aterpera igo ziren, Murillo eliza ondoan dagoen aterpera, maletak igo eta lotarako tokiak hartzera. Afaria Los Mallos ostatuan izan zen. Afari ona benetan. Herriko plazan paseatzen ibili ondoren, lotarako unea ere iritsi zen.
Ostiral goizean gelak txukundu, maletak egin eta primerako gosaria izan zuten, aterpean bertan. Goizeko kirolen ondoren, piknik bazkari ona jan eta Iruñea aldera abiatu ziren. Han zezenen “entzierroko” bidea egin zuten oinez. Eta handik zuzenean Azkoitira.
Bidaia ederra izan dela esan daiteke: toki historikoak bisitatu eta kirol ekintza interesgarrietan parte hartu dute. Elkarren arteko giroa eta ona izan da, lagunartekoa. Gainera jendea oso ondo portatu da taldearekin: Ostatuko jendea, Luis autobus gidaria, … dena oso ondo joan da. Ondo pasa oporrak guztiok!!!
Hitzak: Juan Inazio Sudupe
Argazkiak: Juan Inazio Sudupe eta Ur Pirineos
Utzi erantzuna