Apirilaren 9an, asteazkena, goizeko 7etan hartu genuen autobusa. Geldialdi bat egin genuen Burgosen eta ondoren, Segoviara joan ginen. Bertan bazkaldu ostean, La Granjara abiatu ginen. Hau bisitatu eta gero, han dagoen laberinto batera joan ginen. Gehiago kostatu zitzaigun laberintora joateko bidea aurkitzea, bertan barruan bukaeraraino iristea baino. Hori guztia egin ondoren, aterpetxera iritsi ginen. Maletak utzi, logeletan banatu, oheak egin eta kalean buelta bat eman genuen. Afaltzeko orduan bueltatu ginen eta nahiko gustura jan genuen. Gero, logeletara joan ginen eta bertan egon ginen pixka bat hitz egiten, baina 12etarako bakoitzak bere ohean egon behar zuen.
Hurrengo egunean oso ongi gosaldu genuen eta erregeen jauregia bisitatu genuen. Handik, Retiroko parkera joan ginen. Txalupetan ibili ginen 45 minutuz. Bazkaldu ere bertan egin genuen. Ondorengo geldialdia, Atochako tren geltokian egin genuen. Geltokiaren aurrean zegoen Reina Sofia museora ere joan ginen eta Gernika kuadroa ikusi genuen. Bertatik, aterpetxera joan ginen.
Iritsi zen 3. eguna ere. Toledora joan ginen goizean. Bertan denbora librea utzi ziguten eta han bazkaldu genuen. Ondoren, Bernabeura joan ginen. Hau bisitatu ostean, Madrileko kaleetan zehar ibili ginen. Guztiok egarriak geunden eta kostatu zitzaigun iturri bat aurkitzea. Arratsaldeko 6ak iritsi ziren, Xanadura joateko ordua. Ilusioz beteta joan ginen. Batzuk kart- etan ibili ziren eta beste batzuk dendaz denda. Bertan afaldu genuen eta 10ak aldera autobusa hartu genuen aterpetxera joateko.
Azkeneko eguna ere iritsi zen, Warnerrera joateko eguna. Bertako errusiar mendietatik hasi eta blai-blai bukatuta amaitu genuen eguna. Autobusa hartu eta Azkoitira goizeko ordu txikietan iritsi ginen. Esan beharra dago eguraldi paregabea izan genuela eta autobus gidaria ere oso jatorra zela.
Hitzak: Maite Arruabarrena
Argazkiak: Koldo Gurrutxaga, MªAxun Epelde eta Olatz Gastañares
Utzi erantzuna