Irailaren 6an eman diote ikasleek hasiera 2012-13 ikasturteari.
Lehenak etortzen Lehen Hezkuntzako ikasleak izan dira. 9etan patio berdean elkartu dira eta bertan Zuzendari Titular berria den David Villahoz-en egun onak entzun dituzte. Berehala Urrategira bidean jarri dira. Bertan Azkoitiko parrokiko Erretore berria izango den On Felix Azurmendiren bisita izan dute. Bidean udako pasadizo guztiak elkarri kontatzeaz gain, aspaldi ikusi gabeko ikaskideak eta irakasleak ikusteko aukera izan dute.
Haur Hezkuntzako ikasleak 10etan hasi dira. Beraien gurasoez lagunduta geletara poliki-poliki joan dira. Gaur andereño eta gela berria ezagutzeko aukera izan dute. Hurrengo egunetan lanean serioago hasiko direla esan digute.
DBHko ikasleek 10etan elkartu dira On Bosco antzokian David, Koldo eta Iñakiren lehen hitzak eta aurkezpenak entzuteko. Jarraian beraien gelara igo dira tutoreen lehen hitzak entzuteko eta ikasturte honetan izango duten ordutegia ezagutzeko.
Animo!
Utzi erantzuna