Bilboko EITBren egoitzara joan ziren Floreagako hiru neska eta mutil azaroaren 2an: Mireia Olariaga, Oihane Ucin eta Ivan Castro, Sut&Blai programaren saio bat grabatzera. Gaia: Janari bilketa, goseak dauden herrietara bidaltzeko. Beraiekin joan ziren Jexux eta Juan Inazio irakasleak.
Bilbora iristean, akreditazioen ondoren, programako taldeak harrera egin zien eta Nerea Alias gidariarekin batera saioa prestatu zuten.
Azkoitiko Gazteak eta Garapena taldeak Beningo kaleko umeentzat janari bilketak egin ditu azken hiru urteetan, eta aurten ere oraintxe hasiko da kanpaina.
Programa azaroaren 16an emitituko da, asteazkenean, gaueko 10:30etan ETB3 katean, eta larunbatean, azaroaren 19an, goizeko 11:00etan ETB1 katean.
Gure gazteak programa bukatzean gustura azaldu ziren. Orain ikusi beharko nola gelditzen den saioa, emititzen dutenean…
Beraien webgunean ere agertuko gara
Hitzak eta argazkiak: Juan Inazio Sudupe
Utzi erantzuna