2010eko abenduaren 13an, Gasteizen, 2009-2010 ikasturteko Eskolako Agenda 21 programaren barruan, Eskola Jasangarria Ziurtagiria jaso dugu. Bilera Isabel Celaá andreak zuzendu zuen, Hezkuntza, Unibertsitate eta Ikerketako Sailburuak. Harekin batera zen Pilar Unzalu, Ingurumen, Lurralde Plangintza, Nekazaritza eta Arrantzako Sailburua. Eskolaren izenean, Koldo Gurrutxagak, pedagogi Zuzendariak, jaso du saria. Han izan dira Olatz Zabaleta, EA21 egitasmoko koordinatzailea, eta taldeko bi ikasle, Eneritz Lopez eta Aitor Oteiza
Joan den ekainean egindako ingurumen auditoriaren ondoren, irailean jaso genuen “Eskola Jasangarria Ziurtagiria lortu dugula adierazten zuen gutuna. Hainbat urteetako lanak bere fruitua eman du.
Agiri honetarako kanpoko auditorian, batez ere honako gauza hauek hartzen dira kontuan: paperaren erabilpenean murrizketa, eta berme ekologikodun papera erabiltzea, argindarra aurreztea (batez ere sentsoreak jarriz), uraren kontsumoa erregulatzea, ekologiari buruzko gaiak irakaspenetan txertatzea, alor honetan ikasteko eginiko bisita gidatuak, eskolako karteldegiak,…
Zorionak proiektu honetan ( Eskola Agenda 21) parte hartu duzuen ikasle, irakasle eta gurasoei, batez ere proiektutik tiraka ibili diren irakasle arduradunei.
Utzi erantzuna