Gure ikastetxearen helburuetako bat heziketa zabala ematea izanik Euskal Kultura eta Folkloreari tartetxo bat egitea ezinbestekoa iruditzen zaigu: horregatik ari gara aspalditik, eskolaz kanpoko ekintzen artean Dantza Taldearen eskaintza bultzatzen.

Astero ordu beteko saioa izaten dute dantzariek ikastetxean bertan. Saio horietan ariketa fisikoa egiteaz gain erritmoa lantzen da eta pixkanaka euskal dantzen mundu zabalean murgiltzeko aukera paregabea ematen zaie dantzariei.

Urtean zehar ikasitako dantzak jende aurrean erakusteko aukera ere izaten dugu: eskolako festa, jaialdi eta Azkoitiko eta beste bizpahiru herrietako Dantzari Txiki egunetan. Egun horietan dantzariek beste herri batzuk ezagutu, beste dantza batzuk ikusi eta lagun berriak egiteko aukera izaten dute.

Zuen seme-alabek Euskal Folklorearen munduan murgiltzeaz gain lagun berriak egitea nahi baduzue anima itzazue ikastetxeko dantza taldean parte hartzera. Ikasturte honetan entseguak astearte eta ostegunetan egingo dira.

Aurten dantza taldean parte hartu nahi baduzue bete orritxo hau eta IDAZKARITZARA ekarri URRIAREN 1a baino lehen.

OHARRA: Urriaren 1an, arratsaldeko 17:15etan Floreagako On Bosco antzokian bilera bat egingo dugu egunak eta orduak zehazteko.