Floreaga Salestar Ikastetxeko, LH6. mailako ikasleek, Ikaspilota taldeak antolaturiko pilota jardunaldietan parte hartu zuten, martxoaren 17an.
Testua eta argazkiak: Olatz Gabilondo
Bertan, Bote Luzea deituriko jolasaren hastapena egiteko aukera izan zuten. Horretarako joko ezberdinetan aritu ziren, Bote Luzeko arauak pixkanaka barnera zitzaten. Antzinako kirol hau, gaur egungo, ohiko pilotaren “ama” izango litzateke, hau da, Bote Luzea izango genuke pilota jokoen jatorria. Garai batean, artzainek mendian praktikatzen zuten kirola omen dugu hau.
Eremu irekian jokatzen da. Bote luzean jokatzeko ez da hormarik behar. Zenbat eta zorua gogorragoa eta lauagoa izan hobe, izan ere, horrela pilotak hobeto egingo du punpa. Dena dela, ez da nahitaezkoa, gehienetan airez errestatzen baita; horrela, bada, goroldioz edo belar txikiz estalitako lurzoruan ere joka daiteke. Eskuarki joko-eremua errektangeluarra izaten da, 55-60 metro luze eta 12-15 metro zabal. Botarria joko-eremuaren mutur batean jartzen da.
Mendian botarria harri lau bat izan ohi da. Herrietan, berriz, errebotean erabiltzen denaren antzekoa erabiltzen da, baina azala ez da hain okertua izaten.
Mendian botarria harri lau bat izan ohi da. Herrietan, berriz, errebotean erabiltzen denaren antzekoa erabiltzen da, baina azala ez da hain okertua izaten. Herrietan, botarria plazaren mutur batean jartzen da. Sakatzaileak pilota eskuaz hartu eta botarrian jo ondoren pilotak joko-eremuko erdiko marra gainditu behar du. Normalean partidak hamar jokotara jokatzen dira., kintzeka kontatuko da, hau da, teniseko partidu baten bezala, 15, 30, 40 eta “jokoa”.
Hasiera batean, Gurea pilotaleku barruan aritzeko asmoa bazuten ere, azkenean eta eguraldi ona aprobetxatuz, Oteiza frontoietan aritu ziren, goiz polita pasatuz.
Utzi erantzuna