JASONE OSORO DBH-koekin
Asteazkenean, apirilaren 23an, liburuaren eguna zenez, Jasone Osoro idazlea izan genuen gure artean. Txikitatik jakin izan du berak idazlea izateko bokazio duela. Bere lehen liburua “ Tentazioak” izan zen, eta berak adierazi zigunez nahiko arrakastatsua suertatu zen. Beste liburu batzuk ere baditu. Guk, “ Jara” izeneko liburu seriea irakurri dugu. Jasone ez da idazlea bakarrik, ordea, kazetaritza ikasi zuen eta gidoigile lanean ere aritu izan da. Gaur egun, Euskal Idazleen Elkarteko lehendakaria da.
“Inspirazioa tenedore bat da”, hala esan zuen behintzat Jasonek. Jenio eta jenialtasunari buruz hitz egin zigun. Galdera batekin hasi zuen saioa: “ zer ikusten duzue tenedore bat ikustean?” Gure erantzunen artean orrazi bat, hazkagailu bat agertu ziren, baita oinetakoak sartzeko tresna ere! Zuei zer bururatzen zaizue? Baduzue pentsatzeko!
Inspirazioari buruz hitz egin ondoren, gure galdera sorta erantzun zuen. Horren bidez jakin genuen 11 liburu argitaratu dituela eta lanean jarraitzen duela. Liburu bat idazten ari da, baina alabak dituenez, gauean idatzi behar izaten du, gainera, ideia hobeak izaten omen ditu gauean.
Oso jatorra izan zen eta galdera guztiak egiatasun osoz erantzun zizkigun. Hura bai liburuaren eguna ondo ospatzeko modua! Eskerrik asko Jasone!
Hitzak: Jakes Salgado, Jone Irañeta, Joanes Salgado.
Utzi erantzuna