Urtarrilaren 13an, Agenda 21eko ekintzen artean, AMBAR taldearen hitzaldia izan dugu Floreaga ikastetxean.
AMBAR itsasoko animalien ikerketan eta hauen kontserbazioaren alde lanean ari den boluntario talde bat da. Elkarte honetako hiru kide izan ditugu gure artean: elkartearen presidenteordea den Enrike, Pablo eta Estela.
Enrikek zetazeoen munduan murgildu gaitu izurde mota desberdinen, baleen, kaxaloteen eta orken istorioekin. Azalpenetan DBH 2. mailako ikasleak, DBH 4. mailako ikasle talde bat eta hiru irakasle izan gara. Kantauri itsasoan ateratako hainbat argazki eta bideo zati ikusi ditugu, Cuvier zifioenak bereziki. Gure kostaldean hilik aurkitutako bale baten bizarrak ere esku artean erabili ditugu. Azkenik, Cuvier zifioen argazkiak eman dizkigute eta baita itsasoa eta bertako animaliak zaintzeko ohar sinple bezain garrantzizko batzuk ere.
Argazkiak: Estela Ruiz de Azua eta Ainhoa Garate
Hitzak: Mª Axun Epelde
Utzi erantzuna