Abenduaren 21ean Gabon Kanten XXV. ekitaldia ospatu zen Azkoitiko Baztartxo udal aretoan. Floreagako ikastetxeak eta Guraso Elkarteak antolatzen duten saio honek 25 urte bete ditu.
Saioaren hasieran lehenbiziko ekitaldiko sarrerako eta amaierako hitzak jaso ditugu, bideo baten bitartez. Jarraian, aurkezpenen ondoren, sei taldek beraien Gabon Kantak eskaini dizkigute, guztiz beteta zegoen areto ederrean.
Floreagako LH2 umeek ”Distira” eta “Poza eta Bakea” kantatu dute. Bergarako Musika Eskolako Abesbatzak, “Astotxo bide erdian” eta “Hiru gabon kanta”. Debako Musika Eskolako Abesbatzak, “Al Shjosha D’varim” eta “Din Dan Don”. Alai Batzako AB Koruak, “Aintza zeruan” eta “Happy Christmas”. Mutrikuko Korala eta Madalen Txiki Abesbatzak, “Más Allá” eta “Ai hau gauaren zoragarria!”. Bizkargi Musika Eskolako Abesbatzak, “Gauerdi aldera eta Poza munduan” eta “Rockin’ Around the Christmas Tree”.

Ondoren Angel Mari Arenas eta Zezilio Salasek omenaldi xume bat jaso dute, urte hauetan eginiko babes-lan isila eta jarraituarengatik.
Bukatzeko, talde guztiak Migel Mari Azpiazuren “Gabon Gaba” kantatu dute, Ainhoa Beristain eta Paula Diaz bakarlari zirela. Aipagarria talde guzti hauek aurrera eramaten ahalegintzen diren zuzendari eta musikarien lana!!

Emanaldi bikaina izan da eta Eguberrietako giroan sartzeko aukera paregabea izan dugu. Antolaketan, kantuan eta musika tresnak jotzen aritu diren guztioi, eta laguntzaile guztioi, MILA ESKER!!!