ADINDUEN ASTEA LH 4A SAN JOSE EGOITZAN
Azaroaren 14an 4.A mailako gure ikasleek, Floreaga Salestar Ikastetxea ordezkatuz, San Jose egoitzako aiton-amonei egin zieten bisita.
4.30 aldean han agertu ziren gure ikasleak, San Jose egoitzako ate aurrean, urduritasuna eta emozioa lagun zutela. Guztia prest zutenean hasi ziren aurreko astetan hainbeste entseiatu zituzten ekintzak gauzatzen. Hasteko, aurreskua eta bertsoak eskeini zizkieten. Ondoren, bost abesti interpretatu zieten, txirulaz bat eta beste laurak abestuz. Dantza egiteko trebetasunak ere erakutsi zizkieten. Amaitzeko bodypercussion saio txiki bat eskeini zieten. Hala eta guztiz, arratsaldeko unerik hunkigarriena irakasleek eta ikasleek egin zituzten oparien banaketa izan zen. Eskerrak eman nahi dizkiegu, opariak prestatzen aritu diren LH 6.mailako ikasleei. Gustura aritu baitira jakinik beraien opariak San Jose egoizako aiton amonentzat izango zirela.
Ekintza honen bitartez gure adineko pertsonei eskerronezko omenaldia eskaini nahi izan diegu, berorren helbururik nagusiena aiton-amonei arratsalde on bat pasaraztea izanik eta lortu dugula esan daiteke. Horregatik guretzat ere esperientzi polita izan delako Gabonetan 4.B gelako ikasleekin itzuliko gara.
Argazkiak: Laura Murillo eta Maje Odriozola.
Hitzak: Maje Odriozola.
Utzi erantzuna