ON BOSCOREN HILKUTXA ETA ERLIKIA AZKOITIAN
Aurtengo maiatzaren 10ean, ostegunez, Azkoitira etortzekoa da Salestarren fundatzailea izan zen San Joan Boscoren hilkutxa, bere erlikia eta guzti. On Boscoren hilkutxa mundu osoan zehar ibilaldi bat egiten ari da: 2009tik hona bost kontinenteetako 140 herrik baino gehiagok jaso du On Boscoren bisita. Maiatzaren 1ean iritsiko da Bilboko salestar probintziara, eta 18 egunez 17 salestar etxe bisitatuko ditu: Deustu, Gurutzeta, Barakaldo, Iruñea, Gasteiz, Intxaurrondo, Urnieta, Santander, Burgos … eta Azkoitia.
Ekimen honen zentzua hau da: 2015eko abuztuaren 16an ospatuko dugun On Boscoren jaiotzaren 200. urtemugaren prestaketa.
Azkoitiko salestar komunitateak On Boscoren etorrera ospatzeko egitaraua prestatu du maiatzaren 09 eta 10erako, eta Azkoitiko herria gonbidatu nahi du parte hatzera.
EGITARAUA
Maiatzaren 9an:
- 20,30etan inguruan hartuko dugu hilkutxa Floreagako kaperan. Aurreskua eta gazte otoitzaldi laburra.
Maiatzaren 10ean:
- 09,00-13,15: Floreagako kaperan, ikasleen bisitak taldeka, otoitzaldi laburrak.
- 15,00: Parrokiara jaistea.
- 16,00-18,30: Parrokian bisitak herriko jendearentzat.
- 19,30: Meza Nagusia parrokian. AB koruarekin
- 20,15: On Boscori agurra: Despedida herriko plazan (ekintza zibila): Alkate jaunaren hitzak, oroigarriak eta Musika Banda
“Arratsaldea On Boscorekin”
- 15,00-17,00: Floreaga Ikastetxean: Haur Hezkuntzakoentzat puzgarriak eta merienda. DBHko ikasleentzat pelikula eta merienda.
- 15,30-17,00: Lehen Hezkuntzakoentzat Jolasak herriko plazan, jolasak eta merienda.
Utzi erantzuna