DBH 3ko ikasleak Murillo de Gállegon izan dira martxoaren 28tik 30era.
Goizeko 07:30ean abiatu ginen Murillora, baina lehen geldialdia Irunberrin egin genuen. Bertako arroila begiraleen laguntzaz ezagutu genuen, bertan habiak egiten dituzten putreak eta sai zuriak ederki ikusi genituen!
Bazkaldu ondoren Murillo de Gállegoko Ur Pirineos-eko kideak genituen zain. Iritsi eta pixkat batera kanoatan eta hidrospeed-a egiteko bi taldetan banatu ginen. Lehenengo eguna bukatzeko atseden hartzea besterik ez zitzaigun falta.
Hurrengo egunean goizean berriro ere kanoatan eta hidrospeed-ean aritu ginen. Bazkal ondoren autobusa hartu eta XI. mendekoa den Loarreko gaztelua ezagutzera joan ginen. Arratsalde polita izan zen!
Azken egunean berriro ere neoprenoak eta kaskoak hartuta rafting-a egin genuen. Gállego ibaia arraunean eta ur lasterren indarraz baliatuz zazpi kilometroz jaitsi genuen. Kirola egiteaz gain naturaz gozatzeko aukera izan genuen. Bertan bazkaldu ondoren Iruñeara joan ginen. Gure asmoa San Ferminetako entzierroetako ibilbidea ezagutzea zen. Bertako salestarren ikastetxeko zuzendariak egin zigun harrera, han autobusa aparkatu eta ordu eta erdiz Iruñea ezagutzeari ekin genion. Bostak eta laurden inguru ziren handik abiatu ginenean, Azkoitian zazpietarako egon nahi genuen gure oporrak hasteko.
Utzi erantzuna