On Bosco Kultur Astearen barruan, Jesus Sudupe “Patta” musikaria izan dugu gure artean, DBHko ikasleei errezitaldi labur bat eskainiz, Floreaga ikastetxeko On Bosco aretoan. Iazko udazkenean disko bat atera berri du, “Patta ta Sendaezinak” bere taldearekin, Gaztelupeko Ahotsak etxearekin.
Jexuxek bere azken diskoko bost abesti kantatu ditu, formato akustikoan, bera bakarrik kantuan, gitarra, ahoko soinua eta ahotsa… Eta musikari loturiko hainbat azalpen eskaini dizkigu Juan Inaziok eta DBHko ikasle batzuek eginiko galderei erantzunez.
“Agur Rikio” kantuarekin hasi da saioa. Ondoren Jexuxek beste garai bateko kontuak gogoratu ditu, Jotakie, Dirección Obligatoria eta Os Gallardos taldeetan aritu zenean, orain urte batzuk. Orduan pop musika lantzen zuten, gaztelaniaz gehienbat. Orain kantuak euskaraz sortzen ditu. Sendaezinak musika taldea nortzuek osatzen duten azaldu digu.
Jarraian “In the Basque Country” abestia kantatu du, euskal sustraiekiko atxikimendua esplikatuz.
Kantuen sorkuntza prozesuaz aritu da ondoren: kantuak norberaren komunikaziorako bidea dira. Hitzak sortzerakoan, batzuetan hainbat poetarekin elkarlana sor daiteke, nahiz eta azken diskoko kantu guztien hitzak Jexuxek berak sortu dituen, eguneroko bizitzako sentimendu eta kezkei bidea emanez: poza, aspermena,… Gero “Joxemai beltza” kantatu digu.
Diskoaren hasierako kantua abestu ondoren (“Zure barruan”), musikak eskatzen duen lanari buruz aritu da. Musika maila altua dago gure gizartean gaur egun, eta lan handia egin behar da musika tresna bat ongi jotzeko, ia obsesio bihurtzeraino…
Entseguen eta grabaketaren lanaz ere aritu da, taldeak kantuen egituran duen lana zehaztuz. Eta bere musika gustuak ere adierazi ditu. Floreaga gazteak musika entzutera eta tresnaren bat jotzen gogor saiatzera animatu ondoren, saioaren amaierara iristean “Zer esango dinat ba?” kantatu digu. Emanaldi gozoa izan da. Eskerrik asko, Jexux.
Youtuben aurki daitezke bere kantu eta klip batzuk. Lotura hau aholkatzen dizuegu: http://www.youtube.com/watch?v=-evf4kCeptY
Jesus Sudupe, “Patta”, nos ha ofrecido un recital – charla en la Semana Cultural On Bosco, en el teatro del colegio Floreaga de Azkoitia. Además de ofrecernos una versión de cinco de las canciones del disco de “Patta ta Sendaezinak” en básico (guitarra, armónica y voz, cantando solo), nos ha ofrecido interesantes reflexiones sobre la creación musical. Eskerrik asko, Jexux.
Utzi erantzuna