Irailean, ikasturtearekin batera, jarri genuen berriro martxan Floreagako Bertso errota eta hasiera hasieratik aritu dira ikasleak gogotsu errotarriari eragiten. Hona hemen, errotak izan duen indarraren adierazle modura, datu batzuk:
- Euskara egunerako, Santa Agedan, Pasahitza jolasean… landutako bertsoez gain ikasturtea amaitzeko bi jaialdi bikain prestatu ditugu: bat, bat-batean bertsoak sortuz eta bestea, aurretik sortutako bertso sortak gurasoei eskainiz. Biak ala biak arrakastatsuak oso. (behean ikusgai bideoak eta argazkiak)
Bestalde, aurtengo Bertsometako liburuskaren azala gure ikasle batek egina da: Aines Fernandezek
- 17 ikaslek hartu dute parte Erniarraitz Bertso eskolan.
- Hainbat sari jaso dituzte gure ikasleek:
Bertso idatzien eskolarteko txapelketan (Urolako saioan) LH 5-6 mailan Iria Garatek lortu zuen bigarren saria eta Eva de la Fuentek lehenengoa.
DBH 1-2 mailan berriz, Greta Etxanizek bereganatu zuen lehenengo saria.
Azkoitiko III. HIKE EIZAN bertso lehiaketan, 14 urtera artekoetan, Nora Arrizabalaga Arrietak lortu du lehen saria “Ospitaleko ohetik” bertsoengatik. Azkoitia saria, berriz, Maddi Arrieta Arrizabalagak, Intza Ibarzabal Cuendek eta Eva De La Fuente Catalinak jasoko dute “Euskeraz gexo hitzeiñ ber diñau” izenburupean aurkeztutako lanarengatik.
Bat-batean
Bertso jaialdia
Utzi erantzuna