Iritsi zen apirilak 24a, Madrilera azkenean!!! Goizean goiz autobusa hartu eta lehen geltokia “La Granja de San Ildefonso”-ko errege jauregia izan zen. Jarraian, Segoviako alde zaharrean bisitatxoa: akueduktua, katedrala, Alcázar… Afal ordurako Madrileko hotelean ginen.
Bigarren eguna hiria ezagutzen igaro genuen. Goizean Santiago Bernabeu futbol estadioa ikusi genuen. Zelaia ezin izan genuen zapaldu, hurrengo egunerako kontzertu baten prestaketa lanengatik “gordeta” baitzegoen. Bai, gordeta! Birmoldaketaren ondorengo berrikuntzetako bat da, lur azpian gordetzen da. Eguardia El Retiroko parke ezagunean pasa genuen: bazkaldu, txalupa eta kart-ean ibili, deskantsatu… Gero erdigunetik zehar paseatu genuen (Cibeles, Puerta del Sol, Plaza Mayor, Gran Vía…) eta azkenik autobusa hartu eta Xanadu merkatal gunera joan ginen afaltzera.
Azken eguneko plan nagusia Warner izan arren, goizean Parque Europako eraikuntza garrantzitsuenak ikusteko aukera izan genuen. Warnerren gora, behera eta itzulipurdika erabat nekatu eta Azkoitira itzultzeko garaia etorri zitzaigun.
Floreagako gure etapa amaitzear gauden honetan, 3 egun zoragarri pasa ditugu elkarrekin!
Utzi erantzuna