Gaur, 2024ko apirilaren 23a, Liburuaren Nazioarteko Eguna ospatu dugu eta ekintza bereziak egiteko aprobetxatu dugu irakurzaletasuna bultzatzeko asmoz.
Egunarekin hasteko, egun on bereziak egin ditugu ospakizun honi buruz gehiago jakiteko. Zergatik aukeratu zen zehazki data hau? Egun horretan William Shakespeare, Miguel de Cervantes eta Inca Garcilaso De la Vega idazleen heriotzek bat egiten dutelako. Bestetik, Estrasburgo (Frantzia) aurtengo Liburuaren Munduko Hiriburu aukeratu dutela ikusi dugu. Gainera, Katalunian apirilaren 23a oso berezia izaten dela ikasi dugu, non, liburu batekin batera larrosa bat oparitzeko ohitura dagoen.
Gurasoen parte hartzea ere izan dugu gaurko honetan, eta asko hurbildu dira ikastetxeko gela guztietara ipuin eta pasarte ezberdinak irakurtzera. Irakurketa hauek hizkuntza ezberdinetan izan dira. Eskerrik asko!
Ikusi argazkiak ondorengo botoian klikatuta:
Utzi erantzuna