Eskerrik asko gure aurretik lana egin duzuen amona, birramona, ama, izeba… guztiei. Zuen lan eta esfortzuarengatik gaude gu zuek bizi izan zenutena baino egoera hobean. Zuengatik da gure herria, Azkoitia, den bezalakoa.
Aurtengo martxoak 8ko lanketa, gure etxeetako emakume guztiek egindako lanaren omenaldia da. Floreagako ikasle bakoitzak bere familiako emakume langileei buruzko informazioa bilatu du, non egiten zuen lan, zer egoeratan… Eta ohartu gara lan asko egiten zutela, eta gainera oso garrantzitsua gizarte osoarentzat. Emakume gehienek etxean egiten zuten lan, etxeko lanak egiten edo haurrak eta helduak zaintzen. Beste batzuk berriz, etxeko lanez gain, beste lan batzuk ere egiten zituzten, etxean edo etxetik kanpo. Adibidez, fabriketan, jostun bezala, hoteletan edo baserrietan.
Nahiz eta oraindik lan asko dugun egiteko, zuei esker egoera asko hobetu da gure herrian. Zuei esker, orain, emakumeak, beraien etorkizunean nahi duten lana egiteko aukera gehiago dute, eta baldintza hobeetan.
Horregatik, egun hau zuei eskaintzen dizuegu.
Hitzak: Enara Echaniz eta Nikole Soraluce
Utzi erantzuna