Nahiz eta gu ez konturatu, doministiku egitean begiak itxi egiten ditugu. Zergatik da ezinezkoa begiak zabalik ditugula doministiku egitea?
Iturria: Vital Record
Doministikua, gure gorputzak autonomikoki egiten duen erreakzio bat da. Mugimendu muskularra kilima batzuekin hasten da, gero diafragmak behera egiten du, horrela biriketara aire asko sartzea ahalbidetuz, eta ondoren… aaatxisssssss!!!! Gure gorputzak abiadura handian kanporatzen du barrura sartutako airea, 150 km/h-ko abiaduraraino eta sei metroko distantziaraino iritsi daitekeelarik!
Eta zergatik kostatzen zaigu begiak irekita doministiku egitea? Bada doministiku batek listua eta mukiak bota ditzakelako distantzia horretaraino, eta gure gorputzak botatzen dugun horietatik babesteko begiak ixten dituelako.
Posible da begiak irekita doministiku egitea, baina pertsona gehienek ahalegina egin behar dute begiak zabalik mantentzeko.
Bestalde, jendeak pentsatzen du doministikua egitean bihotza gelditu egiten zaigula, baina hori ez da egia. American College of Cardiology-ko presidente izandakoaren arabera, doministiku egitean gure bihotzak taupada bat saltatzen duen sentsazioa izaten dugu, eta hori dela-eta, askok doministiku egitean bihotza gelditzen zaigula uste dute, nahiz eta hori ez den horrela.
Bideo honetan duzue informazio gehiago!
Egileak: DBH 4ko Biologia-Geologiako ikasleak
Kontsultatutako iturriak:
- Francis, O. (2020, ekainak 27). Begiak irekita doministiku egin dezakezu? Zure buruari min egingo al diozu?. Zure gorputzaren osasuna webgunea. https://labur.eus/DJfPg
- Ministerio de Ciencia, Tecnología, Conocimiento e Innovación (17 mayo, 2019) ¿Por qué no se puede estornudar con los ojos abiertos? https://labur.eus/WCMAf
- Gibbens, S. (2020, apirilak 20) ¿Cuánta distancia pueden recorrer las gotas de la tos y el estornudo? National Geographic. https://labur.eus/rpnFD
Utzi erantzuna