Badakigu animalia batzuk kolorez aldatzeko gai direla, ezagunenak kamaleoiak dira, baina inoiz pentsatu al duzue zergatik aldatzen duten kolorea?
Iturria: Hola.com webgunea. https://labur.eus/eK8oN
Pentsa genezake kolorez aldatzeko arrazoi bakarra, beren burua defendatzeko dela, izan ere, horrela kamuflatu egiten dira, eta harrapakariak ez badituzte ikusten ez dituzte ehizatzen.
Kamaleoia harrapatzeko narrasti erraza da, oso mantso ibiltzen da, ez du hozka egiten, bere azala ez da pozoitsua eta ez da gai bere harrapakariei aurre egiteko. Ondorioz, kamuflajea ezinbestekoa du bizirauteko! Baina, kamaleoi batek kolorea beste arrazoiengatik ere alda dezake!
Esaterako, bere aldartea. Hau da, kamaleoiak kolore bidez adierazten du estresatuta, asaldatuta, beldurtuta, alertan egoeran, erlaxatuta… dagoen.
Iturria: Pixabay.com (ELG 21)
Klimatologiak ere, eragin handia du narrasti honen kolore aldaketetan. Tenperaturaren arabera, kolore bat edo beste bat erakusten dute.
Baina nola demontre alda ditzakete bere gorputzeko koloreak? Bada larruazalaren geruzen azpian dituzten pigmentu-zelulei esker. Horiek, islatzen den argiaren, gorputzeko tenperaturaren eta giroaren arabera, kolore edota tonalitate bat ematen diote kamaleoiaren gorputzari.
Iturria: Pixabay.com (Pixel-mixer)
Gehiago jakin nahi? Ikusi bideoa!
Egileak: DBH4ko Biologia-Geologiako ikasleak
Kontsultatutako iturriak:
- Lopez, A. (2014ko uztailak 14). ¿Por qué cambian de color los camaleones?. 20 minutos blog. https://labur.eus/yGekR
- Coello, Z. (2018ko maiatzak 31). ¿Por qué el camaleón cambia de color?. Experto animal.com webgunea. https://labur.eus/VODzz
- Navarro, D. (2022ko maiatzak 4). ¿Sabes cómo y por qué cambian de color los camaleones? Hola.com webgunea. https://labur.eus/eK8oN
- Animal Planet Latinoamérica. (2018ko otsailak 2). ¿Por qué cambian de color los camaleones? Biosfera Digital youtube kanala. https://labur.eus/VgqYR
Utzi erantzuna