Inoiz pentsatu al duzu zergatik diegun horrenbesteko beldurra marrazoei??
Marrazoek betidanik izan dute ikaragarrizko fama txarra Hollywood-en, baina benetan izan beharko al genieke halako beldurra? Ez noski! Hasteko, pelikulek gezurra esaten digute. Marrazoek oso gutxitan erasotzen dituzte pertsonak. Ba al dakizu, orokorrean, marrazo batek zu hiltzeko aukera 300 milioitik bat dela? Bai, bat bakarra! Sinestezina, ezta? Berez, marrazoek ez daukate gu erasotzeko arrazoirik.
Baina gertatzen diren eraso gutxi horietan, bi kausa daude: bata, geuk zirikatzen ditugulako (beraien bizitokietara sartzen gara, edo haien kumeen inguruan ibiltzen gara, edo beldurtu egiten ditugu…), haien burua defendatu eta eraso egiten digute.
Bigarrengo kausa marrazoen ikusmen txarra da. Ez al zenekien formak soilik ikus ditzaketela? Hala da ba, bai! Historian zehar gertatutako eraso guztien biktimen %50 inguru surfistak izan dira; %30 ingurua, berriz, igerilariak. Zergatik izango ote? Ba, marrazoek pertsona hauek beraiek jaten dituzten arrainekin nahasten dituztelako!
Iturria: National Geographic España (youtube kanala)
Jakin ezazu pertsonak ez gaudela marrazoen dietan. Gose baldin badira, lasai, ez zaituzte zu jango eta!
Amaitzeko, hona hemen bi datu, bata lasaigarria, bestea kezkagarria: 2021ean marrazoek 9 pertsona hil zituzten; baina ba al dakizu urte berean 100 milioi marrazotik gora hil genituela pertsonok, jateko?
Iturria: noticiasambientales.com
Iturria: srecetas.es
Hau jakinda, marrazoek ez al ligukete beldur gehiago izan behar guri, guk haiei baino???
Interesatuta? Gehiago jakin nahi? Animatu bideoa ikustera!
Egileak: DBH4ko Biologiako-Geologiako ikasleak
Kontsultatutako iturriak:
- Alcalde, S.(2022ko abenduaren 5a). Mitos y respuestas sobre los ataques de tiburones. National Geographic España. https://labur.eus/6QDv1
- Leahy, S. (2018ko apirilaren 18a). Las probabilidades de que te muerda un tiburón, un oso y una serpiente son de una entre 893 mil billones: a este hombre le pasó.National Geographic España. https://labur.eus/5sl2N
- Hainbat egile. (2011ko azaroaren 16a). ¿Son peligrosos los tiburones?. National Geographic España. https://labur.eus/bi7Fe
- Salahieh, N. (2022ko uztailaren 23a). Los ataques de tiburones vuelven a ser noticia, pero muchos otros fenómenos son mucho más peligrosos. CNN-albiste-enpresa. https://labur.eus/W6LWj
- Castillo, J.L. Tiburones. Revista Ciencias Unam. https://labur.eus/2K5wu
- Hainbat egile. Datos sobre los ataques de los tiburones. Tiburones wiki. https://labur.eus/zPjHJ
Utzi erantzuna