Iban Larrañaga eta Julen Alberdi Floreagako On Bosco aretoan izan ziren, DBHko ikasleei euren kirol jardunaren berri ematen. Honela hasiera eman genion 2023ko On Bosco Asteari.
Iban Larrañaga “Larrume”, erremonte jokalari profesionala da, mekanika arloan Aitek taldean lanean aritzeaz gain. 2022aren amaiera, Beñat Segurolarekin batera, Euskadiko Binakako Erremonteko Txapeldun izan da. Lehen ere txapeldun izan zen 2019an, Urrizarekin batera.
Julen Alberdi “Txikia IV.a” aizkolaria da, Danobat Groupen ingeniari gisa aritzeaz gain. Aizkoran onenen artean finkatu da, lehen ere oso maila onean bazebilen ere. 2022an txapelketa ugari irabazi zituen banaka eta binaka. Urteko aizkolaria izan dela esan daiteke.
Iban eta Julenen hitzaldiaren hasieran bakoitzari buruzko bideo labur bana ikusi genuen. Biak Floreagan ikas zuten eta euren DBH ikasle garaiko kontuak aipatu zituzten. Erremontea eta aizkora jokoaren ezaugarriak azaldu zizkiguten. Gogor saiatzearen eta aurrera begiratzearen balioa azpimarratu zuten. Saio interesgarria eta aberatsa eskaini ziguten. Mila esker!!!
Utzi erantzuna