Bi urteetako geldialdiaren ondoren, pandemia dela eta, berriro elkartu eta guztiok batera abestuz gozatzeko aukera izan dugu.
Duela bost urte hasi genuen ohiturari jarraituz, Kantu Jirarekin eman diegu amaiera Kultur Jardunaldiei. Honako hau IV. Kantu Jira izan dugu eta beste behin, kaleak animatu ditugu gure betiko eta gaur egungo abestiekin. Gainera, ikasturte honetan Euskal Herria, Herri kantaria proiektuaren barruan, ikasleak abesti hauek abesten aritu dira ikastetxean bertan, eta hori ere nabari izan zen atzo. Bai gogotsu abestu zutela!
Trikitilari eta panderojoleei esker ere, alaitasuna izan zen nagusi. Txikienek beraien doinuak aprobetxatu zituzten eskua elkarri eman eta kalejiran saltoka ibiltzeko.
Giro bikainean pasa genuen iluntze-arratsaldea. Mila esker, parte hartu zenuten guztioi eta baita antolaketan lagundu diguzuen guztioi ere.
FLOREAGA EUSKARAZ, EUSKARAREKIN eta EUSKARAREN ALDE!
Utzi erantzuna