Klima aldaketari aurre egin nahi badiogu, lehenengo etxetik hasi behar dugu lanean. Eta horretan gabiltza!
Baina nola egingo dugu hau? Oso erraza da: gure ikastetxeko neska-mutilek, bi taldetxo osatu dituzte aldaketa klimatikoaren aurka daukagun borroka gogor honi aurre egiteko. Alde batetik LH1etik DBH4ra arteko gela bakoitzeko ordezkari bat aukeratu dugu, gure EKO-ORDEZKARIAK. Eta zein da beraien egin beharra? Ba guri laguntzea Eskolako Agenda 21eko proiektuak ikastetxean ezartzen.
Eta beste taldetxoak, IRAES21 izena du eta DBHko neska-mutilek hartzen dute parte. IRAES21 taldeak Euskadiko Eskola Jasangarrien sarean proposatzen diren ekintza eta proiektuak ateratzen ditu aurrera. Adibidez, aurten puri-purian dagoen gai bat jorratuko dute bereziki: hainbat janaritan agertzen den osagaia, palma olioa hain zuzen ere.
Ez da lan makala gure eko-ordezkari eta IRAES21eko taldetxoeena! Borrokalari hutsak dira, klima aldaketaren aurkako borrokalari apartak! Baina ez daude bakarrik, ezetz? Denon artean lortuko dugu!
Gogoratu: ur tanta txiki batek, gauza asko alda ditzake. Izan zaitez ur tanta!!
Utzi erantzuna