MAIALEN SUDUPE. ZORIONAK!

Ez da martxa makala Floreagako ikaslea den Maialen Sudupek daramana!

Floreagako ikasle asko aritzen dira egunero, astero hainbat kirol praktikatzen. Ez dira gutxi ia egunero ordu luzez igerilekuan sartzen direnak. Horietako bat dugu DBH 3ko ikaslea den Maialen Sudupe, bera Izarraitz Igeri Elkartean aritzen da,

Joan den astean otsailaren 25ean eta 26an Irunen jokatu den Euskal Herriko Txapelketan hiru probatan hartu du parte. Esan behar da gehienez hiru probatan bakarrik har dezakeela parte. Bertan 100 m eta 400 m estiloetako bi probatan lehen postua eskuratu zuen; horretaz gain, bigarren postua ere eskuratu zuen 100 m libreko proban. Guztira urrezko bi domina eta zilarrezko bat.

Baina hona iristeko  astean sei egunetan entrenatzen du, egunero bi orduz, baita oporretan eta jai egunetan ere. Kontuan hartu behar da denboraldia irailean hasten dela eta uztaila amaieran amaitu Espainiako Udako txapelketarekin. Abuztuan   itsasoko igerialdiak egin izan ditu.

2016-17 denboraldian erronka handienak honakoak izan ditu:

Neguko Espainiako Txapelketa Absolutua – Sabadellen, abenduaren 16tik 18ra

Bertara joan ahal izateko gutxiengo denborak lortu zituenez, banakako 100 m bizkar proban eta taldeko 4x200m libre proban lehiatzeko aukera izan zuen.

Berak oraindik infantil mailan aritu behar bazuen ere, maila absolutuan parte hartu zuen, horrek dakarrenarekin.

Gabonetako Nazioarteko Txapelketa – Donostian, abenduaren 29an

Finalerako sailkatu zen 100m bizkar eta 200m estilo probetan. Hemen ere absolutu mailan aritu zen.

Erkidegoen arteko Espainiako Txapelketa- Infantil / Junior – Castellonen, otsailaren 11 eta 12an.

Hemen  Euskal Selekzioko partaide izan zen.

Lortutako emaitzak honakoak izan ziren:

• 4 banakako probatan lehiatu zen:
  • 100m tximeletan 11. postua
  • 200m tximeleta  15. postua
  • 200m estiloetan  11. postua
  • 400m estiloetan 13. postua

* 3 errelebo probetan hartu zuen parte

• 4x100m libre,
• 4x200m libre
• 4x100m estiloak

 

Gipuzkoako Txapelketa – Infantilak Azpeitian, otsailaren 18 eta 19an

Txapelketa honetan, gehienez, lau probatan har zezakeen parte. Bertan lortutako emaitzak honakoak izan ziren:

1. postua 400m libre, 50m bizkar eta 200 estiloak probetan
2. postua 200m bizkar proban

Datorren martxoaren 18tik 21era  Xixonen ospatuko den Neguko Espainiako Infantilen/Junior Txapelketara joan ahal izateko gutxiengo denborak lortu ditu zazpi proba desberdinetan: 100m libre, 400m libre, 100m tximeleta, 100m bizkar, 200m bizkar, 200m estilo eta 400m estiloetan. Adierazi digunez bertan, gehienez, banakako sei probatan har daiteke parte, eta seguraski lau probetan lehiatuko da.

ZORIONAK!

Argazkiak: IZARRAITZ Igeri Elkartea