Abenduaren 20an, igandean, Jaikik gabonetako festa antolatu zuen HH-3tik LH-3ra bitarteko haurrentzat. Festaren iraupena 4ordukoa izan zen eta 114 izan ziren bertaratu zirenak.
Festa hainbat atal desberdinetan banaturik egon zen, lehenego antzokira joan ginen eta bertan Rigoberto pailazoak eta Forash magoak ikuskizun bikaina eskeini ziguten. Ikuskizuna ekintza desberdinez osatuta egon zen, musika, abestiak, jolasak, magia trukoak… eta gainera guztiontzat entretenigarria izateko, zozketa bidez, kasu bakoitzen persona desberdinak irten ziren Forashi laguntzera edo Rigobertorekin jolastera, horrez gainera talde osoak batera hainbat abesti kantatu eta dantzatu genituen.
Antzokiko ikuskizuna amaitu zenean, talde desberdinetan jangelara hurbildu ginen eta bertan askari goxoa dastatu ahal izan genuen, croissant txikiak, galletak, patatak, gusanitoak, palmerak… eta guztia zumo goxoz edo ur freskoz lagunduta.
Askariaren ostean jolaserako denbora ere izan genuen, 4 ilaran joko erraldoia, mikado erraldoia, puxikak, pelotak, baloiak, hainbat elementu zeuden erabilgarri edozeinek jolastu ahal izateko. Horrez gainera, ausartenetzat eta gorputza martxan jartzeko gogoa zutenetzat diskoteka txiki bat ere bazegoen, bere koloretako argi eta guzti. Azkenean, asko izan ziren diskotekan parte hartzera animatu zirenak.
Azkenik konturatzerako arratsaldeko 8ak iritsi zitzaizkigun, etxeratzeko orduan, baina etxeratu aurretik denak sorpresatxo bat jaso ahal izan genuen, goxokiz osatutako poltsatxo bat hain zuzen ere.
Eskerrik asko festa honetan parte hartu duzuen guztioi, urte berriarekin batera izango duzue gure ekintza gehiagoren berri.
Gabon zoriontsuak igaro eta urte berri on!
Facebook: Jaiki Eskolaz kanpoko ekintzak
Twitter: @jaikiekintzak
Jaiki – Eskolaz kanpoko ekintzak
Hitzak eta argazkiak: Cristina Salinas eta Jaione Irizar
Utzi erantzuna