Iritsi da azkenean Barriara joateko eguna!!!
Asteartean urduritasuna somatzen zen gure artean Barriara abiatu ginenean. Gasteizera iritsi ginenean, LH3koak Arkauten autobusetik jaitsi eta Euskal Poliziaren Museoa ikusi genuen: jantzi ezberdinak, akademia, tiro eremua… Oso interesgarria izan zen. Bitartean, LH4koak, Eusko Legebiltzarra ikustera joan ginen, politikari papera hartu eta hainbat lege sortu genituen… 😉
Gasteizen bazkaldu ondoren, azkenean, Barriara iritsi ginen. Bainujantziak jantzi, toallak hartu…eta igerilekura joan ginen beroa asetzera. Afalondoren, LH3koen gaubela ospatu genuen: dantzak, abestiak, asmakizunak, txisteak… Oso ondo pasatu genuen.
Hurrengo goizean, gosaldu eta gero, ibilalditxo bat egin genuen inguruak ezagutzeko asmotan. Egunean zehar, igerilekua aprobetxatu genuen eta patioan jolasean ibili ginen. Afalostean berriz, LH4ko gaubelaz gozatzeko aukera izan genuen: dantzak, abestiak, Escape Room bat… Sekulako irudimena dutela argi geratu da.
Azkenik, ostegunean, lo-zakuak itsatsi zitzaizkigun. Esnatzea lortu genuenean, maletak egin eta gosaltzera jaitsi ginen. Azken bainua hartu, bazkaldu eta autobusera igo ginen.
Egun zoragarriak izan dira eta hurrengo urterako atzerakontua egiten hasi gara jada!!
Utzi erantzuna