Aurten Lehen Hezkuntza osoan landuko dugu bertsolaritza

Euskal hiztunak goraka doaz

baina hizkuntza galeran…

lehenago denok genekizkien

kantuak joan dira hegan

ezintasunak sumatzen dira

gure txikien hizkeran

doinu, errima eta bertsoen

tresna hor dugu aukeran

ahozko jolas zaharra denak

eragingo du euskeran!

(Bertsozale Elkarteak proiektu berria aurkezteko eginiko bertsoa)

Aurten, Bertsozale Elkarteak proiektu pilotu bat jarriko du martxan Gipuzkoako 14 ikastetxetan eta Floreaga izango da horietako bat. 1. mailatik 4. mailara bitarteko proiektua da. Ikastetxeko irakasleek garatuko dute proiektua baina Bertsozale elkarteko irakasle batek egingo du proiektuaren jarraipena.

Horretaz gain, martxan jarraitzen du Bertsozale elkartearen Ahozkotasunaren proiektuak. Aurten, 6. mailaz gain, 5. mailan ere Bertsozale Elkarteko irakasleak garatuko du proiektua, beti ere Euskarako irakaslearen laguntzaz.

Bideoan jasota duzue iazko uzta.