Gabonak une bereziak dira abesti, argi, magia, maitasun eta familia momentuz beteak. Baina zoritxarrez gure planetarentzat ez dira oso garai zoriontsuak. Sekula pentsatu al duzu Gabonetan kontsumitzen dugun guztiaz?
Garai hauetan, askotan behar baino gehiago gastatzen dugu. Adibidez, senide eta lagunekin bazkari eta afari ugari antolatzen ditugu eta janari asko erosten dugu horretarako. Baina ikusi da erositako elikagaien %25a alferrik galtzendela. Horretaz gain, etxeak eta kaleak apaintzea ere asko gustatzen zaigu, baina ba al zenekien urtero milioi bat Gabonetako zuhaitz eta apaingarri
zakarrontzira botatzen direla berriak erosteagatik?
Bestalde, Gabonetan opariak jasotzea atsegin dugula ez dugu ukatuko, baina pentsa ezazu munduko pertsona bakoitzaren opari guztiek dituzten plastiko eta paper guztiak elkartuta zenbat zabor sortzen dugun.
Azkenik, Gabonetako oporretan egun pasa edo bidaia gehiago ere egiten dira, askotan garraiobide bezala autoa erabiliz eta ondorioz, CO2 kontsumoa handituz.
Ekintza horien guztien aurrean, planetak gure laguntza behar du! Nahiz eta Gabonak ospatzea polita den, urte guztian zehar zaintzen dugun bezala jarraitu behar dugu zaintzen. Ni prest nago Gabon hauetan gure planetari laguntzeko! Eta zu?
Utzi erantzuna