On Bosko astea ospatzeko hainbat bisita izan ditugu. Hasteko, DBHkoengana gure ikasle ohiak diren Bulego taldeko Xabi Arrieta eta Tomas Lizarazu izan genituen gure artean. Beraien hasiera eta ibilbideari buruz hitz egin ziguten eta beraiekin solasean aritzeko aukera izan genuen.
DBHkoekin jarraituz, atzo Ibon Oregiren bisita izan genuen. Ibonek triatloiak egiten zituen eta entrenatzen ari zela, auto batek harrapatu zuen eta hanka galdu zuen. Bere bizipenak kontatu zizkigun eta esku artean dituen proiektuen berri ere izan genuen.
LHkoak Baztartxora joan ginen ikuskizun bat ikustera: MagiKlown pailazoak ikusi genituen. Magia truko batzuk ere egin zizkigun! Oso interesgarria izan zen eta oso ondo pasatu genuen.
HHn berriz, Ekain-Txouren bisita izan genuen. Malabarismoak nola egiten zituen ikusi genuen, labanak ere erabili zituen! Oso dibertigarria izan zen. Azkenean, berarekin hitz egiteko eta dantza egiteko aukera izan genuen.
Otsailaren 1ean, DBHko mus txapelketako finala izango da eta azkenik, otsailaren 4an, On Bosko gogoratuko dugu Floreagako 12:00etako mezetan. Une egokia izan daiteke garai bateko Ikasle Ohiak elkartzeko. Denak gonbidatuta zaudete.
Hemen jarraian, jarduera bakoitzeko argazkiak!
BULEGO
MAGI KLOWN
IBON OREGI
EKAIN TXOU
HHko jolasak
DBHko jolasak
LHko jolasak
Utzi erantzuna